Nokkur orð um landsleikinn

Mig langar að segja nokkur orð um landsliðið.

Þegar Guðjón var við stjórnvölinn þá náði hann undraverðum árangri með ekki svo mjög áferðafallegri knattspyrnu (þar lögðu menn sig alla fram einn fyrir alla, allir fyrir einn).

Svo hefur fjarað svolítið undan liðinu síðustu misseri, en þegar Ásgeir og Logi taka við liðinu þá koma fram ýmsar breytingar þá fóru menn að þora betur að halda bolta innan liðsins og virtust menn hafa gaman af þessum bolta bæði leikmenn og áhorfendum (allavega mér) en því miður var árangurinn ekki alltaf sem skyldi.

Þá var Eyjólfur ráðinn sem mér fannst skrýtin ráðning því ekki hafði hann reynslu sem þjálfari, en byrjunin lofaði bara góðu eins og oft vill gerast með nýjum þjálfara.  Honum hefur bara því miður ekki tekist að halda í horfinu því leikmenn og áhorfendur virðast ekki nógu áhugasamir eins og sást í leiknum, leikmenn á hálfum hraða og mjög fáir áhorfendur.  Því miður virðist Eyjólfur ekki hafa það traust sem til þarf og leikskipulagið ekki nógu gott.  Því segi ég þetta er orðið gott Eyjólfur og við ættum að reyna að fá erlendan þjálfara eða jafnvel Guðjón aftur til að rífa þetta upp.

Áfram Ísland      

Athugasemdir

[S. Lúther Gestsson, 4.6.2007 kl. 00:57]

Eitt sinn var ég að ræða þessi þjálfaramál við félaga minn sem hefur töluvert vit á þessu og hefur spilað fyrir Íslandshönd í landsleikjum, að vísu ekki knattspyrnu. Hann útskýrði þetta bara á einfaldri íslensku. Þjálfari má aldrei vera vinur leikmanna, hann má helst aldrei tala við leikmenn um annað enn boltann, helst ekki hlæga með leikmönnum.

Þeesi vinur minn hefur haft fleiri enn einn og tvo þjálfara með landsliðinu, einn besti þjálfari sem ég hef haft sagði hann fagnaði með okkur í leikslok, svo mætti hann á æfingu með okkur daginn eftir og það var eins og hann hefði aldrei verið að spila í gær. Spurði mig hvort ég gæti leikið í hægri horninu, ég sem skoraði 5 mörk þaðan daginn áður í sigurleik.

 Þetta hefur maður að nafni Guðjón Þórðarsson, tel að vísu vonlaust að hann komi aftur, enn þá er aðeins eitt ráð eftir og það er að fá erlendann þjálfara.

[Gunnar Freyr Rúnarsson, 5.6.2007 kl. 16:28]

ok, veit ekki hvernig leikurinnn for....¿  kvedja fra Spani gunz